Shakespeare - Sonetoak
Estreinaldia

GONBIDAPENA
(Mezua ez badezu ongi ikusten egin ezazu hemen -click-)


Adiskide Shakespearezale:

Donostiako Victoria Eugenia antzokian martxoaren 29an estreinatuko dugun
ZERU HORREN INFERNUAK ikuskizunera gonbidatzen zaitu Mikel Laboa Katedrak.

Dakizunez, Aztarna argitaletxeak Shakespeareren Sonetoak argitaratu ditu, Juan Garzia Garmendiak itzuliak eta Koldobika Jauregik irudiz osatuak. Liburuarekin batera, bi CD argitaratu dira: batean, kultura arloko jende ugarik errezitaturik entzun daitezke sonetoak; bestean, gaur egungo zenbait euskal kantariren ahotsean datoz sonetoetako batzuk, Joxan Goikoetxearen musikarekin, eta, kanten artean, zenbait errezitazio, musikaz lagunduta.
(informazio gehiago)

ZERU HORREN INFERNUAK ikuskizunean, liburu-diskan irakurri eta entzun daitezken sonetoak modu berezi eta erakargarri batean dastatzeko aukera izango dugu; hitza, irudia eta musikarekin batera dantza ere izango delarik Joxan Goikoetxearen ideia eta zuzendaritzapean.

Shakespeare euskaraz zuzenean gozatzeko aukera izango dugu, bada.

Eskertuko genizuke lehenbailehen erantzutea gonbita onartzen duzunetz (aztarna@aztarna.com helbidean)
jaialdirako sarrerak denboraz antola ditzagun.

Jaso ezazu gure agurrik shakespearezaleena.

Juan Kruz Igerabide
Mikel Laboa Katedraren zuzendaria